نئی دہلی 27اگست (ایس او نیوز؍ آئی این ایس انڈیا ) بھارت میں وہاٹس اپ سے جڑی شکایتوں کے حل کے لئے شکایت حل افسرکی تقرری کا مطالہ کرنے والی عرضی پر سپریم کورٹ نے مرکز اور وہاٹس اپ کو نوٹس جاری کیا ہے ۔

کورٹ نے مرکز اور وہاٹس اپ سے چار ہفتے میں جواب داخل کرنے کی ہدایت دی ہے ۔ عرضی گزار کا کہنا ہے کہ قانون ہونے کے باوجود تقرری نہیں کی گئی۔ گوگل ۔فیس بک گریوانس آفیسر تقرری کر چکے ہیں۔واٹس اپ نے مرکزی سراکر کو بھروسہ دلایا تھا کہ وہ بھارت میں لگا تار بڑھ رہی شکایتوں کو دیکھتے ہوئے ایک شکایت افسر کی تقرری کرے گا۔

یہ افسر قانون کے مطابق وقت وقت پر وہاٹس ایپ سے جڑے مسائل کو حل کرے گا۔الیکٹرانک اور انفارمیشن ٹکنا لوجی کی وزارت نے اس دوران بتایا تھا کہ وہاٹس ایپ الگ الگ طریقے سے تشدد پھیلانے والے اور فرضی پیغام پھیلانے والوں کے خلاف قدم اٹھا رہا ہے ۔